1. |
A do aire musculado
03:38
|
|
||
Así que esta é a pel coa que esperta un dragón
A paisaxe sen calma e o lume na voz
Ti ves sendo a evidencia de parar de buscar
Hai mil cousas que indican que todo ha de chegar
A deshora
A deshora
Camiño desterrando tantas cousas
Xa non volve ó rejo un animal ferido
Está en min mentres durmo
Brilla en min mentres choro
Son eu que demoro
Máis que o tempo
Ti recordas o ano no que non enfermei?
Acordábame sempre do importante que é ter
Unha morte pequena, unha dor sen ronsel
Un silencio que incendie o que xamais cantei
Ata agora
Ata agora
Camiño sobre un aire musculado
Nunca vin eu diante a ninguén tan feliz
Non superei mil probas
Colección de derrotas
Nunca está todo limpo
Cala a boca
|
||||
2. |
Boneca de silveira
02:16
|
|
||
Velaí vai
Bela aí vai
Velaí vai bela
Boneca de silveira que andas soa
Agardo que a vida sexa boa
E que eu che siga o ritmo algunha vez
Había tempo que non quería eu querer
Tantos días alegando: xa non sei
Corazón e dedo índice sinálante
A ti
Teño o corpo corpo a terra ante a noticia
Cada verso sometido a ducha fría
Fascinácheste Aldao e agora
Agora que
|
||||
3. |
Unha que soase así
04:36
|
|
||
Eu ben sei como ule a noite
cando case nada importa
coñezo esa sensación.
Aquí non se pon o sol
é un sucedáneo do amor
que berra droga por nós.
Se o meu corpo é un resort
canto custa a petición
de que atenda eu ós meus dons.
Filla predilecta de
oriúnda das cancións
que fan á lúa tremer.
Lixeireza de vivir
recoller sen sementar
arde o bosque e o corazón.
Puntual como a obsesión
de ver un medo crecer
e rezar droga por nós.
|
||||
4. |
A letra desta canción
01:52
|
|
||
Es a memoria dos días
que aínda non sei cantar,
a primavera morrendo
por lerche a palma da man.
A ferida de fuxir,
a alegría de atopar.
Eu estou agradecida
se isto remata mañá.
Cata de lavas a vida,
corpos que quero tocar,
xa non sodes nin renuncia:
novo verbo desexar.
Comeríate enteira,
fóra deixaría só
a túa man escribindo
a letra desta canción.
|
||||
5. |
A do faro
03:16
|
|
||
Que levante a man quen queira un faro
saes guapa na foto se dis faro
e a luz
a luz
entrando
no sol provisional que é un faro
as marcas do esplendor escintilando
no mar.
Non merece a ruína ningún faro
a culpa xamais será dun faro
e o mar
o mar
deixando
que amaine a escuridade neste lado
onde xa ninguén entra sen un faro,
sen luz.
|
Lucía Aldao A Coruña, Spain
Lucía Aldao é unha poeta coruñesa nacida en 1982. Leva máis de 20 anos dedicándose de xeito profesional ao mundo da poesía escénica, da música e do humor.
Streaming and Download help
If you like Lucía Aldao, you may also like:
Bandcamp Daily your guide to the world of Bandcamp